انا ماكنتش اعرف ان حياتي هتتقلب كده بمجرد دخولي الفيلا الجديده
اعرفكم بنفسي انا نهى عمري 30سنه متجوزه من عدت سنوات حياتي هاديه جدا وجوزي احمد عمره 33سنه بيشتغل في احدي الشركات المعروفه والحمدلله الحاله الماديه جيده جدا والحمدلله علي كل شئ لسه ربنا مارزقنيش بآطفال اتفقت مع جوزي اننا نعزل ونسكن في فيلا وفي يوم كنت بقرا في جورنال لقيت اعلان علي فيلا من 3طوابق وبسعر مغري جدا بصراحه استغربت بس قولت فرصه واتصلت باحمد في شغله وقولتله عليها قالي انا كمان قريت الاعلان وكنت لسه هكلمك قولتله خلاص النهارده نروح بعد شغلك نشوفها وفعلا روحنا الفيلا ليها جنينه جميله جدا وهي حلوه اوي وكمان مفروشه ولما سآلت صاحبها قالي انا ببعها بالسعر دا لاني مسافر اخر الشهر ومش عايز يكون ليا حاجه في مصر لاني مقرر اني مش راجع تاني المهم اشترناها وكنت فرحانه اوي وبعد كم يوم كنت غيرت مكان الاثاث علي زوقي وبالليل دخلنا ننام سمعت صوت كآن حد بيحرك العفش قولت لاحمد انت سمعت الصوت دا قالي مش متاكد يمكن بيتهيئلك شويه واحمد نام وانا فضلت قاعده اتفرج علي برنامج سمعت برده صوت قولت لاء لازم اشوف ايه دا نزلت لقيت كراسي السفره محطوطه بعيد عن التربيزه في وضع دايره استغربت وقولت يمكن نسيت ارتبهم وحططهم مكانهم تاني وطلعت نمت الصبح احمد نزل شغله وانا سمعت الصوت تاني نزلت شميت ريحه زي البخور ولقيت الكراسي برده في وضع دايره بس المره دي مرسوم في النص دايره ونصها نجمه وفي نص النجمه شمعه بس خلصانه انا خوفت جدا وجريت كلمت احمد وحكيت ليه قالي انا نازل الصبح وماشوفتش اي حاجه قفلت معاه وفضلت بصه لشكل دا ومش فاهمه اي حاجه مسكت الفون وبدات ابحث عن معني للرسمه دي وعرفت انها بتستخدم في اعمال السحر والتحضير بس دي اتعملت ازاي ومين عمالها معرفش انا قومت رتبت الكراسي ومسكت الرسمه وقولت انزل اشتري حاجات من السوبر ماركت المكان كان شبه مش كبير كام فيلا جانب بعض المهم روحت اشتري الحاجات لقيت كافيه دخلت اقعد شويه لقيت الناس بدات تبصلي باستغراب وبعد شويه جات واحده بتقولي انتي اول مره نشوفك انتي ساكنه هنا ولا زياره عند حد قولتلها لا انا ساكنه جديد في الفيلا اللي في اول الشارع لقيت وشها احمر وقامت تجري من علي الكرسي ومشيت واللي قاعدين مابقوش يبصولي خلصت وروحت السوبر ماركت وخلصت وروحت واليوم عدي عادي لحد بالليل نمنا وعلي الساعه 3 سمعت صوت وحد بيقول كلام مش مفهوم انا قولت حرامي بس حرامي ازاي والفيلا فيها جهاز انذار قومت نزلت والمشهد كالتالي الكراسي في وضع دائره والرسمه موجوده بس في اشخاص قاعده علي الكراسي وواحد لبس جلابيه سوده عمال يقول كلام مش مفهوم ويقول احضر انا الساحر احضر انا سيدك وفجآه النور بقي يطفي وينور ودخان بدآ يتكون علي شكل انسان بس طويل وعينه حمرا قام الساحر خرج وجاب خنزير ودبحه قدام الخيال دا والناس اللي كانت قاعده زي مايكون مغيبه مش بتتكلم بس بتتحرك شمال ويمين وقال كلام مش مفهوم للدخان قام اتحرك في اتجاه الناس وولع فيهم والروح وهي بتخرج منهم بتتدخل في فم الساحر وفجاااءه الله اكبر الله اكبر اذان الفجر وكل شئ اختفي انا مابقتش قادره استوعب اللي بيحصل دا حقيقي ولا خيال روحت صليت الفجر وكملت نوم والصبح نزلت روحت السوبر ماركت اشتري عصاير وانا هناك عامل الكاشير بيقولي حضرتك اول مره اشوفك قولتله ايوه في اول الشارع قالي الفيلا قولتله اه قالي طيب مع السلامه قولتله لا بقي قولي في ايه قالي انا ماليش دعوه دي حاجه حصلت من 30سنه كان في ساحر عايش في الفيلا دا وكان اعوذ بالله يقدر يعمل حاجات كتير وفي يوم الجيران قررت انها تحرق البيت لان كان في ناس بتختفي ومانعرفش بيروحوا فين وان حد دخل البيت لساحر نادر جدا ان حد يخرج من جوا وماحدش فكر انه يدخل يشوف ايه بيحصل جوا لحد ما في يوم راحوا بالليل وولعوا في البيت وهو طلع من وسط النار وهو بيتحرق وبيقولهم استنوني كل سنه زي اليوم دا هنتقم منكم ومن وقتها كل سنه تلقي كل الناس قفلت عليها بيوتها وشغلوا القران بصوت عالي واي حد جديد وماشي في الشارع ومايعرفش قصه البيت تلقيه تاني يوم ميت محروق هو دا اللي اعرفه انا سمعت كلامه وقولتله خلاص شكرا وقررت اني اشتري راديو اشغل القران عليه في البيت وفعلا روحت واشتريت وجربهولي قبل ما امشي روحت والراديو علي محطه القران واول ماشغلته مابيطلعش صوت احول المحطات شغاله معادا اذاعه القران بعد محاولات كتير اشتغل واول مابدا القران البيت كله اتهز وكل حاجه بقت تقع والراديو وقع اتكسر وكل حاجه سكتت روحت اشغل التليفزيون اول ما جبت القران الاشاره فصلت وسمعت صرخه مرعبه اوي جريت علي الصوت اشوفه منين لقيت قدامي الساحر وشه محروق وعينه حمرا وبينزل دم من كل وشه وراح مقرب مني وحط ايده علي دماغي وانا مش قادره اتحرك لقيت نفسي برجع تاني للشكل اللي شوفته قبل كده الكائن قدام الساحر والناس الميته اللي روحها دخلت فم الساحر وفجاه الارض اتفتحت 3فتحات كانها قبور والكائن حط كل واحد في حفره وقفل عليهم والارض رجعت زي ماكانت ورجعت تاني لوعي لقيت الساحر واقف في نص البيت وبيقولي انتي شوفتي كل حاجه انا كنت بستحوذ علي الارواح وبقدم الجثث قرابين للجان عشان يفضلوا تحت امري ياما فرقت بين ازواج وموت ناس وعملت اعمال بالسحر الاسود والسفلي ودلوقتي عشان افضل موجود وروحي في المكان اموت ناس عشان انت افضل عايش في العالم التاني وقدام دا هسيبك تعيشي في بيتي بس انتي اللي تجبيلي الناس هنا وتحبيسيهم في الدور الارضي كل دا وانا مش قادره اتحرك ولا اتكلم ومره واحده لقيته قدامي وبيقولي لاما انتي اللي هتموتي وجوزك كمان وصرخ بصوت مرعب واختفي انا جريت ركبت العربيه ورحت لاحمد في الشغل وكلمته نزلي وحكيت ليه اللي حصل قالي لا بقي لازم نروح لشيخ يخلصنا من كل دا وطلعنا علي شيخ معروف وجه معانا علي البيت وبدا يرسم كلمات وحروف علي الحيطه ويكتب ايات قرانيه وفضل يقرا قران ومره واحده البيت بقي يتهز جامد وظهر الساحر وقاله مش هتقدر عليا انا اقوي من الجن والانس انا ملعون ومافيش حد يقدر يوقفني علي اللي بعمله والشيخ بدا يقرا تاني لقينا الساحر بيصرخ جامد ودخان بيطلع من فمه ويتكون جانبه اجسام كتيره شكلها مرعب وبتكلموا بصوت واطي جدا وبيقولوا حرروا اروحنا وبعدها الشيخ بقي يقول كلام وطلاسم والاجسام دي بدات تطلع لفوق كآنها طايره والساحر بدا نار تطلع من جسمه ومد ايده ومسك ايد احمد وانا مسكاه بس الساحر اقوي مني الشيخ بقي يقول كلام بسرعه لحد ما الساحر ساب احمد واتحرق تماما والبيت الارض بتعته بقيت تتفتح وتظهر جثث في كل حفره جثه وبعدها كل حاجه وقفت والشيخ قال كده خلاص مافيش حاجه بس لازم تتصلوا بالبوليس عشان الجثث دي وفعلا اتصالنا وجم اخدوا الجثث وطبعا اتهمونا اننا االي موتناهم بس بعد تقرير الطب الشرعي عرفوا انها مايته من زمان وافرجوا عني وعن احمد وروحنا قفلنا البيت ورجعنا تاني بيتنا القديم والفيلا مش عارفين نبيعها بسبب الكلام اللي بيتقال عنها ولا عارفين نرجعها لصاحبها وناخد الفلوس بس الحمدلله علي اللي حصل المهم اننا بخير
