القصه كامله
هذه بوابتي فآن دخلتها فانك لا تستطيع الرجوع فهذا عالمي ودخولك بموافقتك فلا تندم علي ما ستراهه بيه الان يمكنك الدخول
القصه (بوابه للعالم الاخر)
اللي قرتوه دا اتقال ليا قبل دخولي لبوابه العالم الاخر احكي ليكم من الاول
انا صلاح عمري 44سنه عايش لوحدي بعد وفاه زوجتي وابنائي الثلاث طبعا هتقولوا ماتوا ازاي برده هتعرفوا خلال القصه انا شغال في شركه تصدير واستراد والحياه ماشيه تمام لحد ما في يوم كنت قاعد مع اصحابي الكلام دا من 5سنين وكنا بنتكلم علي كتاب شمس المعارف وان اول ما تقرا فيه من اول صفحه يغمي عليك وانا كنت بسمع وبضحك علي كلامهم ومش مصدق ولا حرف قولتلهم طيب انا بقي هدور علي الكتاب وهثبت ليكم ان كل الكلام دا كدب في كدب ردوا عليا وقالولي بلاش انت عندك زوجه واولاد اللعنه واللي هيتحضر من هيكون اذاهم ليك لوحدك دا كمان لاهل بيتك فبلاش احسن وخليك بعيد احنا كنا بنتكلم عن الكتاب عشان الضجه اللي عليه لكن عمرنا مانفكر نجرب ولا ندور عليه لا للمصلحه ولا للشر بصراحه انا مادخلش دماغي اي كلمه من كلامهم وقولتلهم طيب ومشيت ادور في المكاتب وعلي سور الازبكيه وفي كل مكان بيبيع كتب عن السحر يمكن القي كتاب شمس المعارف اللي بيقولوا عليه وبعد اسبوعين من البحث لقيت راجل كبير قاعد عند مكتبه فبسآله قالي مابلاش يا ابني الكتاب اللي بتسال عنه ماتوا كتير بسببه ابعد عن الشر وغنيله دا كمان ترقصله قولتله ياسيدي احنا في فرح عندك هاته مش عندك قول وامشي قالي عندي بس دا غالي عليك ومش هتقدر علي تمنه لانه متصور من النسخه الاصليه يعني ماحدش غير فيه حرف وانا طول حياتي ببيعه وبعد كم شهر اللي اشتراه بيجي يسبهولي ويمشي قولتله يعني بكام قالي 7الف جنيه انا سكت وفكرت شويه قولت يبقي اكيد اصلي وليه مفعول انا هشتريه وروحت سحبت الفلوس علطول من الفيزا ودفعت الفلوس وروحت علي البيت ودخلت في اوضه الانتريه طلعت التليفزيون في الصاله ومراتي بتسالني بتعمل كده ليه قولتلها من هنا ورايح ماحدش يدخل الاوضه دي تاني ولا تفكري تدخلي حتي تنضفيها هي بصيت ليا وسكتت وانا دخلت اشوف الكتاب وبدات افتحه واقرا كلمه من هنا علي جمله من صفحه تانيه وبعدها قفلته ونزلت جبت شمع وحاجات بقي زي ما بيقولوا بقي لزوم التحضير انا ماكنش في دماغي انا هحضر ليه ولا هقول للي هيتحضر ايه وبالليل روحت الساعه 1كانوا كلهم ناموا عشان المدرسه وهي من شغل البيت بتنام مابتحسش باي حاجه دخلت الاوضه وقفلت عليا وفتحت الشمع ولقيت رسومات في الكتاب انا بقي شلت السجاده وزي الشاطر رسمت كل الرسومات علي الارض والمفروض ان كل رسمه واكيد ليها حاجه معينه بس انا بقي رسمت كله وفي الاخر جبت اول رسمه في الكتاب وفضلت اقرا كلام وحروف هو باللغه العربيه بس مش فاهم معني اللي بقراه وفجاه بدون اي مقدمات الدنيا لفت بيا واغمي عليا عشان اصحي بعدها علي صوت مرعب جدا جدا ولقيت نفسي قدام بوابه كبيره حواليها نار ورسومات مرعبه وبدا الصوت دا يقول (هذه بوابتي فان دخلتها فلان تستطيع الرجوع فهذا عالمي ودخولك بموافقتك فلا تندم علي ما ستراهه بيه الان يمكنك الدخول) ولقيت البوابه بدات تتفتح والجو كان سخن جدا من النار اللي في كل مكان انا بدات ادخل واحده واحده لقيت صوت صراخ وناس بتستغيث وانا مش فاهم ايه دا وانا فين ولا عارف ايه اللي هندم عليه وفجاه لقيت كائن بيظهر قدامي شكله مرعب مرعب جدا جسمه عباره عن كتله ناااار طويل يوصل لما يقارب 3امتار ووقف قدامي وقالي عشان تاخد مزايا ونبقي تحت امرك لازم تقوم بذبح ابنك الاكبر فوق الرسمه في شقتك وتسيبه وتخرج لمده ليله وترجع تاني تدخل في الاوضه وتقرا نفس التعويذه وهتيجي للعالم دا تاني قولتله ازاي ابني اموته وادبحه بايدي اكيد انا بحلم قالي طيب وشاور علي كائنات كده زي الاقذام شكلهم مرعب جدا ماسكين سلاسل لونها حمرا من كتر ماهي محطوطه في النار وربطوني من ايدي وبداوا يخلعوا ضوافري ويضربوني بالسلاسل علي ظهري انا كان جسمي خلاص هيسيح من السلاسل قولتله خلاااااص موافق بصلي وشاور بايده فجاه لقيت نفسي في اوضتي في الشقه فضلت قاعد استوعب اللي حصل وقولت لاء دا قلبت بجد بقي قومت مسحت الرسومات ومسكت الكتاب وشلته في الدولاب بتاعي ونزلت الشارع فضلت علي القهوه لحد الصبح روحت البيت لقيت مراتي وولادي نايمين علي الارض في اوضه الانتريه افوق فيهم مافيش فايده جريت جبت الدكتور قالي الاربعه باين انهم في غيبوبه ولازم يتنقلوا للمستشفي حالا انا اتصلت بالاسعاف واخدوهم والدكتور قالي حالاتهم واحده في حاجه مروا بيها او شافوها في المخ رفض انه يستوعبها فحصلت الغيبوبه وسالني كنت فين وقتها قولتله كنت بايت بره البيت علي القهوه لصبح ومعرفش ايه اللي حصل سكت وقالي هما تحت الملاحظه وفي العنايه المركزه وحالتهم مستقره انا سبتهم وروحت وفي البيت كلمت صاحبي حكيتله اللي حصل قالي انا جايلك ومعايا العراف محمود يعني تقدروا تقولوا دجال بس هو سمي نفسه عراف وفعلا جه وشاف الكتاب وقالي ارواح مراتك وعيالك في العالم التاني محتجزه هناك تقدر تروح تحررهم قولتله اه فتحت الكتاب ورسمت الرسمه وقولت الكلام وفجاه لقيت نفسي هناك والجن اللي امرني اقتل ابني واقف قدامي بصلي وقالي انت فاكر نفسك انك تمسح الرسومات وتشيل الكتاب بكده هربت مننا لا طبعا انت لما عملت كده عرفنا انك مش هتدبحه فحضرنا في شقتك واخدنا ارواحهم وحبسناهم عندنا ودلوقتي اتحكم عليك بالضعف بل باربع اضعاف بقتل زوجتك وابناءك الثلاث وفجاه لقيت اجسام اولادي ومراتي قدامي علي الارض والجن ماسك سيف وادهولي وقالي اقطع راسهم وقذم ورايا بيضربني بالسلسله اللي كلها نار انا ماستحملتش وقطعت راسهم الاربعه ضحك الجن وقال دول قربان ليا وانت بقيت مننا فجاه اجسام اولادي ومراتي اختفوا وانا اغمي عليا ورجعت مع صاحبي والعراف وقولتلهم معرفتش احررهم واحنا قاعدين التليفون رن وبلغوني بانهم ماتوا مدبوحين والقاتل منعرفش مين مع التحيقات ماتوصلوش لشئ غير لغلق المستشفي وحبس الدكتور اللي كان بيتابع حالتهم وانا رجعت البيت وفجاه النور قطع والشموع ولعت لوحدها وظهر جن ومعاه كتييير شكلهم مرعب جدا جدا وقالولي احنا خدامك امرنا الجن الاكبر بالخدمه معاك ومن يومها وانا اشتغلت في السحر الاسود واذي الناس واي حد بيقربلي ويفكر يآذيني بيكون مصيره انه بيتقدم قربان للجن الاكبر وبقرب منهم اكتر وبيكون ليا خدام اكتر هاه يالي بتقري قصتي مصدقني ولا هتكون انت القربان القادم؟؟؟؟؟؟؟
النهايه....
