(الطابق العلوي بعد منتصف الليل)
الجزء الثاني :
بعد ما دخلنا البيت و لقيناه مليان غبرة و مش نظيف نظفناه انا و صحبي و كل واحد فينا دخل لأوظته عشان نرتاح
اليوم التاني صحينا الظهر كنا جيعانين جدا ،طلع صاحبي عشان يجبلنا اكل و شوية حاجات للسهرة ،كنت لوحدي في البيت
كلمت صحابي كانو ساكنين في المنطقة و اتفقنا انهم ييجو يسهرو عندي بالليل ،،طلعت للصلون كان في تلفزيون بس قديم و كان واضح انه من شغال من زمان اوي حاولت اشغلو بس مشتغلش
اخدت لاب توب و حطيت اغاني بصوت عالي جدا و فضلت اغني و ارقص لوحدي مبسوط بالبيت فجأة وصت الصوت العالي دا سمعت اصوات كأن في ناس بتتكلم وطيت صوت الموسيقى مفيش حاجة !!
رجعت عليت في الصوت جامد،، ايه ده الصوت بيعلى اكتر انا حاسه قريب من ودني اوي وقفت كدا و طفيت اللاب توب كنت حاسس ان قلبي مقبوض حاسس ان في حاجة كاتمة على نفسي اه واللهي حسيت ان في ريح خفيفة باردة قشعرة جسمي كله
لبست الشبشب و فتحت باب البيت كنت عايز اتمشى ع البحر لحد ما ييجي صاحبي لقيته واقف قدام الباب
زعق في وشي و قلي عمررر احنا اتفقنا على ايه
مش معقول انت ،، انا اتخضيت مكنتش فاهم حاجة قلتله اني مش عارف هو بيتكلم على ايه قليشافني ببص من شباك الطابق الي فوق ،، حلفتله ان انا مطلعتش فوق و اني كنت بسمع اغاني بس مكنش مسدقني قلي انه شافني بعينه ببص من الشباك
دخلنا البيت انا الصراحة عصبت لما مسدقنيش اتخانقنا و كنت عايز اخد شنطتي و اطلع بس صاحبي اعتذر و قلي زي مسمعت الراجل قال ايه لو شاف واحد مننا فوق هيطلعنا من هنا و انت عارف احنا دفعنا كام عشان نأجر البيت .
في نفس اليوم بدأو صحابنا ييجو كانو اربعة و معاهم بنتين
ابتدينا نحتفل و لما كنت قاعد جا واحد من صحابنا مكنش في معرفة كبيرة بينا كان صاحب صاحبي اكتر ،قلي ممكن اريح ف اوظتك لمآخزة
قلتله لا طبعا انت اهبل عايز تقلبها دعارة
كلمة ورا كلمة اتقلب خناقة حاول يضربني
جا صاحبي و قلو خلاص خلاص بلاش خناق خدها و اطلع لفوق
انا اتعصبت اخدت صاحبي على جمب و قلتله ايه مالك مش انت الي زعقتلي الصبح عشان الطابق الي فوق قلي اسكتت يا عم منقدرش نقول لا لابن البااشا بعدين صاحب البيت زمانو نايم مش هيشوف حااجة
في الوقت دا طلع الواد و البت لفوق و انا اتعصبت جدا دخلت اوظتي
كانو الباقيين مشيو و مفضلش غيرنا انا و صاحبي و الواد و البت طلعو لفوق،،كنت قاعد على سريري ببص للسقف شفت حاجة غريبة زي الدم اه واللهي ده دم اتخضيت طلعت للصلون لقيت صاحبي مرمي ع الكنباية من كتر الشرب مكنش في صوت في البيت كاننا منعزلين عن العالم فجاة و انا واقف النور قطع و رجع ف نفس اللحظة و فضل يقطع و يرجع حاولت اصحي صحبي مصحيش لفيت لوارا لقيت التلفزيون شغال من غير صوت ! اتخضيت جدااا الصراحة عشان مكنش شغال اصلاا ازاي و مين شغله، كان الوقت اتأخر جدا تمام الساعة 2 و ربع اشتغل التلفزيون و اتقطع النور ايه الي بيحصل مكنتش عارف ،، مشيت شوية شوية ووقفت قداو سلم الطابق الي فوق من غير ما حس بنفسي طلعت خطوة واحدة على السلم اتزكرت كلام صاحب الشقة حسيت في نفس اللحظة ان في نسمات بااردة نازلة من السلم جسمي قشعر انا بتخنق مفيش نفس ! اه مكنتش قادر اتنفس في ريحة موت السلم ماليه الظلام رجعت بسرعة لورا و قلت ف نفسي انا طالع لفين انا ايه الي دخلني بعدين رجعت فكرت في الداهية الي طلع فوق هو و صاحبتو الوقت كان متاخر و لازم اكلمو عشان ينزل طلعت خطوة خطوة في الظلام كل مطلع خطوة ع السلم بحس الظلام بيزيد و بحس النفس مقطوع كأن المكان ذيق زي القبر ناديت بصوت عالي انت يلا الوقت اتاخر..
