(الطابق العلوي بعد منتصف الليل)
الجزء الأول
انا عمر هحكيلكو الي حصل معايا في البيت الي أجرتو عشان أقضي فيه عطلتي في الصيف..
كنت ساكن مع اهلي في منطقة بعيدة عن البحر و كانت عطلة الصيف بدأت ، قررت اني أأجر شقة قريبة من البحر كلمني صاحبي و قلي ان في راجل عايز يأجر بيت،،
قلتلو ان انا مقدرش أأجر بيت هيكون غالي اكيد و مش هقدر ادفع ثمنوا في نفس اليوم كلمني صاحبي و قلي ان صاحب الشقة مستعد يأجرلنا الشقة بنصف ثمنه عشان البيت قديم جدا و مقفول من زمان اوي
وافقت من غير تفكير و كنت مبسوط جدا اني لقيت بيت صغير على قدي انا و صاحبي و كمان بيطل ع البحر و كمان ثمنه مناسب جدا ،،
في اليوم التاني اخدت شنطتي و سافرت،، البيت بيبعد عن بيتنا حوالي تلات ساعات و نص بالاظافة انه في منطقة شبه معزولة الشقق هناك مش كتيرة و المكان مرعب بس كل دا مكنش هاممني كل الي كنت عايزه اني انبسط في اجازتي ،، رحت انا و صحبي للبيت دا وقفنا بنستنى الراجل ييجي عشان يسلملنا المفتاح.
شفت البيت من برة كان باين عليه انه قديم و الحيطان كلها مشقوقة
فضلت الف و اتفرج على البيت من برة رفعت راسي لفوق شفت خيال واقف يبص من الشباك و لما بصيت اختفى بسرعة
لفيت لصاحبيتله ان انا شفت حد فوق بيبص من الشباك قلتله ان الراجل شكله مأجر البيت لناس و بيستعبط علينا شكيت انه اخد الفلوس و مش هيجيب المفتاح و شكيت ان البيت فيه ناس حسيت ان في حركة جوة مش عارف ازاي بس انا حسيت كدا
صاحبي قالي انه الراجل اكدله ان البيت مقفولة من زمان و مفيش حد ساكن جوا و ان انا بتخيل و تعبان من السفر بس
لما كنا بنتكلم جا الراجل من ورايا و قلي انت خايف ولا ايه
لفيت بسرعة قلتله انت ! هخاف من ايه يعني
صاحبي اخدني على جمب و قلي بلاش تكتر حكي لحسن يبطل يأجرلنا البيت ،،
اخدت نفس كدا و قلتلو طب انت اخدت فلوسك اعطينا المفتاح انا جاي من سفر و تعبان و عايز ارتاح
مديت ايدي عشان اخد المفتاح الراجل بعد ايده و بص لصاحبي و قله
زي ما قلتلك الطابق الي فوق ممنوع تطلعوله انا اجرتك البيت بنصف الثمن عشان تقعدو تحت و بس
بصيت لصاحبي و قلتله ايه الحكاية هنقعد تحت ازاي
بص صاحبي للراجل و قله تمام تمام زي ما اتفقنا احنا اجرنا الغرفتين الي تحت و مش هنطلع لفوق هات المفتاح
اخدنا الشنط و دخلنا البيت كان مليااان غبرة ووسخ كنبات عليها غطا ابيض و عفش مليان عنكبوت
انا اتعصبت و قلت لصاحبي مش كفاية مأجرلنا أوظتين بس و كمان سلملنا البيت وسخ كدا
انا ندمان اني سمعت كلامك كنت قلت من الاول
بس بعدين رضيت عشان تمن الشقة كان مناااسب و كمان أوظتي لوحدي و في حمام و مطبخ ..
